Guäti Gschichtä

Ghöre z 'vill vo Crimes / ghöre z'vill vo Gwalt
s'Gschnoor über die Andärä / looht mi nümmä chalt.
Gsee's a dä Ziitigschäschtä / Gsee's i dä Tagesschau
die Tittel voller Schreckä / für jedes Chind und jedi Frau.

Ghörä z'vill vo Stress / ghörä z'vill vo Fruscht,
maaned die villicht / di guät Luunä gäb's umsuscht.
Gsee vill suuri Gsichter / Gsee chuum äs Lachä -
da cha nid alles sii / mir mönd mee druus machä

(Refrain)

Wär kümmeret sich um Guäti Geschichtä / wänn nid Du und ich?
Vo dänä nämmli mömmer brichtä / lönd dä Terror im Stich!
Es liit nu a üüs / wellä Song mir singäd
und welli Stimmig mir under d'Mänschä bringäd,

Worum s'nid luschtig ha /worum dä Klatsch nid zäämä?
Nu wänn mer's nämmli zuälönd / cha üüs öppis läämä.
Worum s'nid wiiterträäge / wa üüs alles gfallt?
Nu wa üüs ufstellt / da macht sich würklich zallt.

Mir mönd üüs entscheidä / wodurä das söll goo
und Guäti Gschichtä pflägä / di Schlechtä flüügä loo.
Äs liit nu a üüs / wellä Song mir singäd
und welli Stimmig mir / under d'Fründä bringäd

(Refrain)

Wär kümmeret sich um Guäti Geschichtä / wänn nid Du und ich?
Vo dänä nämmli mömmer brichtä / lönd dä Terror im Stich!
Es liit nu a üüs / wellä Song mir singäd
und welli Stimmig mir / under d'Mänschä bringäd

Gueti Gschichte - Der Song

Text und Melodie: Thomas Frei
Produziert: Stef Siegfalk